‘પ્રિન્સ ઑફ ટોલિવૂડ’આપે છે કરોડોનું દાન : જાણો કોણ છે આ કર્ણ,જે કરે છે પોતાની વાર્ષિક આવકના 30% દાન
![top-news](https://gujaratvandan.com/public/uploads/images/newsimages/GujaratVandan24072024_120547_compressed_image (48).webp)
- 24 Jul, 2024
ફિલ્મ ઇન્ડસ્ટ્રીમાં કોરોના મહામારીના સમયમાં અનેક ફિલ્મ સ્ટારસના નામ સામે આવ્યા હતા, જેમણે મહામારી દરમિયાન સમાજના જરૂરિયાતમંદ લોકોને મદદ કરી. અને ત્યારબાદ પણ આવેલી અને આવતી રહેતી અનેક મુશ્કેલીઓમાં મદદ કરતાં જોવા મળ્યા હતા. જેમાં અનેક સ્ટારસ જેવાકે અમિતાભ બચ્ચન, સલમાન ખાન, સોનુ સૂદ, અક્ષય કુમારથી લઈને શાહરૂખ ખાનનું નામ સામેલ છે.
જે ચેરિટેબલ કામ માટે દાન કરતાં રહે છે. સલમાન ખાન પોતાની સંસ્થા ‘બીઇંગ હ્યુમન’થકી કેન્સર પીડિતોને જરૂરી મદદ પૂરી પડે છે. ત્યારબાદ અક્ષયનું નામ આવે છે જે કેટલું દાન કરે છે તેની કોઈને ખબર પાડવા દેતો નથી. કદાચ લોકો એવું માનતા પણ હશે કે સોનું સુદ જ એ વ્યક્તિ હોઇ શેકે કે જેને લોકો ફિલ્મ ઇન્ડસ્ટ્રીનો કર્ણ તરીકે ઓળખાતા હશે.
સોનું સુદ ચોક્કસ કોરોના મહામારી બાદથી સતત લોકોની મદદ કરી રહ્યો છે.પરંતુ તેના કરતાં પણ વધુ દાન કરનાર વ્યક્તિ સાઉથની ફિલ્મ ઇન્ડસ્ટ્રીનો ખ્યાતનામ કલાકાર મહેશ છે. આ એક્ટરને ‘પ્રિન્સ ઑફ ટોલિવૂડ’ ના નામે આખી દુનિયામાં ઓળખવામાં આવે છે. જે બીજું કોઈ નહીં પરંતુ મહેશ બાબૂ જ છે.
તેલુગુ સિનેમાના સુપરસ્ટાર મહેશ બાબૂ ભારતનાં સોથી વધુ દાન કરનાર એક્ટર છે. આ કલાકારનું નામ પોતાના ચેરિટીના કામો માટે જેટલું જાણીતુ છે તેટલું જ ઇન્ડસ્ટ્રીમાં હિટ ફિલ્મો આપવા માટે પણ ખ્યાતનામ છે.મહેશ બાબૂએ પોતાના બે દાયકાના લાંબા કરિયરમાં 40થી વધારે ફિલ્મોમાં કામ કર્યું છે.ઍક્ટિંગની સાથે તે ફિલ્મ નિર્માણ સાથે પણ જોડાયા છે. આ એકટરની એક ખાસિયત એવી છે કે તે ક્યારેય રીમેક ફિલ્મો માટે કામ નથી કરતાં.
માહિતી મુજબ પાછલાં બે દાયકાથી વધારે સમયથી તેઓ ફિલ્મમાં પોતાનો અભિનય આપી અઢળક કમાણી કરી ચૂક્યા છે. એટલુંજ નહીં તેઓ દરવર્ષે પોતાની આવકના 30% રકમ દાન કરે છે. જે મુજબ આ વર્ષે તેમણે એવું કહેવાય છે કે 25-30 કરોડ રૂ દાનમાં આપ્યા છે. મહેશ બાબૂ દક્ષિણની ફિલ્મોનો સૌથી શ્રીમંત એક્ટર માનવામાં આવે છે. તેની ફી એક ફિલ્મની 55 કરોડ રૂપિયા છે, જ્યારે જાહેરખબર માટે તે 15- 20 કરોડ રૂપિયા લે છે.
એક્ટિંગ સાથે તે ફિલ્મ નિર્માણનું પણ કામ કરતાં હોવાથી તેમનું પોતાનું પ્રોડક્શન હાઉસ પણ છે. સાઉથમાં તેમને લોકો "ફેમિલી મેન"કહે છે. મહેશ બાબુની નામ કોઈ એક્ટ્રેસ સાથે ક્યારેય જોડાયું નથી . આ સિવાય વર્ષ 1979 માં એક ચાઇલ્ડ આર્ટિસ્ટ તરીકે ફિલ્મોમાં આવ્યા બાદ તેમણે અનેક ઉતાર ચઢાવ જોયા બાદ આજે આ સ્થાન પ્રાપ્ત કર્યું છે. વર્ષ 1999માં 24 વર્ષની ઉંમરે લીડ હીરોના રૂપે પરત ફર્યો અને 2000 ના દાયકાની શરૂઆતમાં ‘મુરારી’ અને ‘ઓક્કાડુ’ સાથે સ્ટારડમ હાંસલ કર્યું.
જોકે, કરિયરમાં અનેક નિષ્ફળતા પચાવવા માટે તેમને 2007માં ત્રણ વર્ષ માટે બ્રેક લીધા બાદ ‘ડુકુડુ’-‘બિઝનેસમેન’ જેવી હિટ ફિલ્મો આપી હતી , ત્યારપછી તેમણે ક્યારેય પાછા વળીને આજદિન સુધી જોયું નથી. તાજેતરમાં તેમની બ્લોકબસ્ટર ફિલ્મોમાં ‘મહર્ષિ’ અને ‘સરકારૂ વારી પાટા"નો સમાવેશ કરવામાં આવે છે.